Бугун Россия пойтахтида "Спутник V" вакцинаси клиник тадқиқотлари учун рўйхатга олинганларнинг дастлабки гуруҳи препаратнинг иккинчи компонентини қабул қилди. Бу ҳақда Москва шаҳар мэрининг ижтимоий ривожланиш масалалари бўйича ўринбосари Анастасия Ракова маълум қилди, деб ёзади РИА Новости.

Ракова иккинчи эмлаш вакцина биринчи киритилгандан кейинги иммунитет жавобини кучайтириш учун зарур эканлигини эслатиб ўтди. 

«Биринчи эмлашдан сўнг мутлақ кўпчилик ўзларини яхши ҳис қилмоқда. Уни эса 5,7 мингдан ортиқ инсон қабул қилган», — деган Ракова.

Дори воситасининг биринчи ва иккинчи компонентларини одам организмига юбориш ўртасидаги танаффус 21 кунни ташкил этади. 

Вакциналашнинг иккинчи босқичи тадқиқотнинг биринчи иштирокчилари эмланган муассасаларда бошланди. 

Эслатиб ўтамиз, коронавирус профилактикаси учун дунёдаги биринчи вакцина "Спутник V"  Н.Ф.Гамалеи номидаги эпидемиология ва микробиология миллий тадқиқот маркази томонидан РФПИ билан ҳамкорликда ишлаб чиқилган эди. Россия соғлиқни сақлаш вазирлиги уни август ойи ўрталарида рўйхатга олинди. 

Ёзда у 18 ёшдан 60 ёшгача бўлган кўнгиллилар ўртасида икки босқичда муваффақиятли синовдан ўтказилди. Уларда SARS-CoV-2 коронавирусига антитанача ва иммунитет шаклланди. 

Сентябрь ойида эса рўйхатга олишдан кейинги клиник синовлар старт олди. Шундай қилиб бугунги кунда Москва шаҳрида 40 минг киши вакцинани ўзида синаб кўряпти.