Мбаппе жорий мавсумда ПСЖда қолади ва мен бундан хурсандман — Месси
Лионел Месси «Marca» нашрига берган интервьюсида янги жамоаси ҳақида гапирди.
— Ҳамма «ПСЖ»ни Чемпионлар лигасининг асосий фаворити эканини айтяпти, биз клубнинг яхши таркибга эгалиги туфайли ғалабага номзодлардан бири эканлигини инкор этмаймиз. Лекин кучли жамоа бўлиш учун бизга ҳали кўп нарса етишмаяпти. Чемпионлар лигасида фаворит ҳисобланиши мумкин бўлган бошқа жамоалар ҳам бор. Бу жуда қийин турнир. ПСЖ фаворитлар қаторида, аммо ягона фаворит эмас, — дейди аргентиналик спортчи ўз интервьюсида.
Шунингдек, Месси Мбаппенинг трансфери ҳақида ҳам фикр билдирди:
“Килиан Мбаппе ва Реал Мадрид ҳақида бир нарса дейиш қийин. Хаёлида нима бор, келгусида нима қилишини фақат ўзига маълум. Шуниси муҳимки, Килиан жорий мавсумда ПСЖда қолади ва мен бундан хурсандман. Мбаппе биз учун жуда керакли футболчи, у жамоага ғалабага эришиш йўлида ёрдам беради. Килиан ҳозир тўлиқ эътиборини ПСЖдаги машғулотлар қаратган. Мавсум сўнгида эса нима қилишни ўзи ҳал қилади».
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг