Франция президенти Эммануэль Макроннинг айтишича, АҚШ Европа Иттифоқига айрим соҳаларда, жумладан фармацевтика ва рақамли хизматлар йўналишида иқтисодий босимни давом эттирмоқда. Бу ҳақда ТАСС хабар берди.

Макрон Гренландия атрофидаги вазият ҳақидаги саволга жавоб берар экан, шундай деди:

«Инқироз авж олганидан кейин маълум бир енгиллик пайдо бўлади. Масалан, 2025 йил ёзида ЕИ ва АҚШ ўртасида савдо божлари бўйича келишув имзоланган эди. Аввалига таҳдидлар ва қўрқитишлар бўлади, кейин эса Вашингтон кутилмаганда ортга чекинади ва бизга ҳаммасидек туюлади. Лекин бунга бир сония ҳам ишонманг. Ҳар куни фармацевтика, рақамли технологиялар бўйича янги таҳдидлар келиб тушяпти».

Франция раҳбарининг фикрича, бундай шароитда европаликлар муросага боришга уриниши керак эмас. У сўнгги ойларда бу стратегия самара бермаганини таъкидлади. Макрон бу ёндашув Вашингтонга боғлиқликни янада кучайтиришини айтди ва Европага етказиб берилаётган табиий газнинг 60 фоизи АҚШ ҳиссасига тўғри келишини эслатди.

Шунингдек, Эммануэль Макрон Европа Иттифоқи хавфсизлигини кафолатлаш масаласида АҚШнинг келгусида ҳам тайёр бўлишига шубҳа билдирди.