Коронавирусга қарши вакцина синовида қатнашган 6 киши вафот этди
Американинг Pfizer компанияси ва Германиянинг BioNTech компанияси томонидан биргаликда ишлаб чиқилган вакцинани синовларида олти киши ҳалок бўлди. Бу ҳақда АҚШ озиқ-овқат ва фармацевтика идораси (ФДА) веб-сайтида чоп этилган ҳужжатда айтилган.
«Ҳисобот даврида олтита ўлим юз берди. Эмланган гуруҳда икки, плацебо гуруҳида тўртта ўлим», дейилади эълон қилинган ҳужжатда.
Атеросклероз ва семизликдан азият чеккан кўнгилли препаратнинг биринчи дозасини қабул қилганидан уч кун ўтгач вафот этган. Ушбу гуруҳдаги яна бир марҳум иккинчи дозани олган, аммо 60 кундан кейин у юрак хуружига учраган ва уч кундан кейин унинг ҳам ўлими қайд этилган. Плацебо гуруҳида икки иштирокчи қон томир ва юрак хуружидан вафот этган, яна иккитасининг ўлим сабаби аниқланмаган. Вафот этганларнинг ярми 55 ёшдан ошган одамлардир.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг