Коронавирус инфекцияси юқиш даражаси яна 30 фоизга ошди — гонконглик олим
Фото: May Tse
ДНК мутацияси коронавирус инфекциясининг юқумлилик хусусиятининг ошишига олиб келган.
Бу ҳақда Гонконг университетининг тиббиёт мактаби декани, профессор Габриэль Леунгнинг хулосаларига таяниб "South China Morning Post" нашри ёзмоқда.
Профессорнинг сўзларига кўра, коронавирус штаммида мутация юзага келган ва айни шу ҳолат "CОVID-19" инфекциясининг юқиш даражасининг яна учдан бир қисмга ошишига олиб келган.
Леунгнинг таъкидлашича, афсуски, бундай хавотирли хулосаларни нафақат маҳаллий, балки халқаро тадқиқотлар ҳам тасдиқламоқда.
"Шу боис эндиликда коронавирус билан касалланган ҳар бир киши инфекцияни яна бошқа тўрт кишига юқтириши мумкин", деб ҳисобламоқда профессор.
Бугунги кунга келиб, дунё бўйича ушбу вирус билан зарарланганлар сони 12 миллион, у туфайли ҳаётдан кўз юмганлар сони 550 минг нафардан ошди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг