Корея билан ҳамкорликда аэрокосмик университет ташкил этиш истиқболлари муҳокама этилди
12 октябрь куни Транспорт вазири ўринбосари И.Абдугафаров Корея аэрокосмик университети президенти Hee-Young Hurr бошчилигидаги делегация вакиллари билан учрашди.
Учрашувда сўнгги йилларда мамлакатимизда фуқаро авиацияси соҳасида амалга оширилаётган кенг кўламли ислоҳотлар натижасида соҳада профессионал кадрларга бўлган талабнинг кескин ортиб бораётганини инобатга олган ҳолда университет билан ўзаро ҳамкорликда ўқув курсларини ташкил этиш масаллари муҳокама этилди.
Жумладан, Тошкент давлат транспорт университети билан биргаликда Корея аэрокосмик университети филиалини ташкил этиш, давлат ва хусусий сектор авиация саноати ходимлари учун қисқа муддатли ўқув дастурларини ташкил этиш юзасидан фикр алмашилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг