«Комо» жамоаси «Наполи»ни мусобақадан чиқариб юборди
Кеча, 10 февраль куни Италия кубоги мусобақасининг чорак финал ўйинлари старт олди. Кун доирасидан ўрин олган баҳсда «Наполи» клуби Неаполь шаҳридаги «Диего Армандо Марадона» стадионида «Комо» билан беллашди. Ўйиннинг асосий вақти 1:1 ҳисобидаги дуранг натижа билан якунланди.
Учрашувнинг 39-дақиқасида «Комо» ярим ҳимоячиси Мартин Батурина ҳисобни очди. Иккинчи бўлим бошида, 47-дақиқада «Наполи» ярим ҳимоячиси Антонио Вергара мувозанатни тиклади.
Экстра-таймларда эса ҳисоб очилмади. Пенальтилар сериясига келиб эса, «Комо» жамоаси ғалабани илиб кетди. «Наполи» сафидан саккизинчи зарбани йўллаган Станислав Лоботка гол ура олмади. Шу тариқа, серия 6:7 ҳисобида меҳмонларнинг ғалабаси билан якунланди.
Шу тариқа, «Комо» жамоаси мусобақа ярим финалига йўл олди. Маълумот учун, Италия кубогининг амалдаги соҳиби — «Болонья» ҳисобланади. Жамоа ўтган мавсум финалида «Милан»ни 1:0 ҳисобида мағлуб этган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг