Кўмир ортилган 22 та вагон рельсдан чиқиб кетди
Якшанбага ўтар кечаси Бошқирдистон Республикасида темир йўлнинг Иглино-Дема қисмида кўмир ортилган 22 та юк поезди вагонлари рельсдан чиқиб кетди.
“Дастлабки маълумотларга кўра, 2024 йил 3 ноябрь куни кечаси Бошқирдистон Республикасида 28-км – 21-почта участкасида кўмир ортилган 22 та вагон рельсдан чиқиб кетган. Ҳодиса оқибатида жабрланганлар йўқ. Ҳолатга аниқлик киритилмоқда”, дейилади хабарда.
Ҳодиса оқибатларини бартараф этиш учун воқеа жойига Дема станциясидан қутқарув поезди жўнатилди. Қайд этилишича, поездлар жадвал асосида ҳаракатланади, кечикишлар йўқ.
Фавқулодда ҳодиса жойига тергов гуруҳи жўнаб кетди. Уфа транспорт прокуратураси темир йўл транспорти ҳаракати хавфсизлиги ва эксплуатацияси бўйича қонунчилик талабларига риоя этилишини текширмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг