Хоразмдаги кинотеатрга DCP форматли замонавий киноускуна ўрнатилади
Бугун Ўзбекистон миллий кинематографияни ривожлантириш маркази раҳбари М.Мухторов бошчилигидаги Ишчи гуруҳ Хоразм вилояти Ургенч шаҳрида жойлашган “Худойберган Девонов” номли кинотеатр биносига DCP форматли замонавий киноускуна ўрнатиш масаласини ўрганиш учун ушбу кинотеатрга амалий ташриф буюрди.
Ўрганиш жараёнида кинотеатр биносини DCP усканасини ўрнатишга тайёрлаш, аккустика, экран ва бошқа жиҳозларни ўрнатиш учун зарур шарт-шароитларни тайёрлаш бўйича режалар белгилаб олинди.
Ишчи гуруҳига вилоят ҳокими ўринбосари Б.Саидов ҳамроҳлик қилиб, янги киноускунани ўрнатиш билан боғлиқ сарф-харажатларни қоплашда ҳокимлик томонидан амалий ёрдам кўрсатилиши маълум қилинди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг