Хоразмда сенаторлар ёшлар билан учрашди
Хоразм вилоятида Олий Мажлис Сенати аъзолари ва ёшлар ўртасида очиқ мулоқот ўтказилди.
Учрашувда Сенатнинг Фан, таълим ва соғлиқни сақлаш масалалари қўмитаси раиси Баҳром Абдуллаев ҳамда Сенатнинг Аграр, сув хўжалиги ва экология қўмитаси раис ўринбосари Сайёра Абдикаримова ёшларга оид сиёсатнинг устувор йўналишлари, соҳага доир ислоҳотлар ва уларнинг натижалари юзасидан атрофлича маълумот берди.
Сенаторлар илмга чанқоқ, интилувчан ёшларни рағбатлантириш, улар учун янги грантлар, илмий лойиҳалар ва инновацион ташаббусларни қўллаб-қувватлаш механизмларига тўхталиб ўтди.
Тадбир давомида ёшларнинг саволларига жавоб берилди, уларнинг таклиф ва фикрлари эшитилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг