Иллюстратив сурат

Ўз исмини ошкор қилишни истамаган шифокор Kyodo News порталига Хитой ҳукумати коронавирус ҳақида ёлғон маълумотлар тақдим этаётганини маълум қилди.

Унинг сўзларига кўра, ҳукумат “COVID-19” аломатлари бўлган беморларнинг аксариятини кейинги текширувлардан ўтказмасдан касалхоналардан чиқариб юбормоқда. Буларнинг барчаси эса дунёга эпидемия устидан ғалаба қозонганликни намойиш этиш учун қилинаётган экан.

Шу боис шифокор Хитойни коронавируснинг иккинчи тўлқини кутаётганига шубҳа қилмаётганини таъкидламоқда.

Хитой ҳукумати мамлакатда қаттиқ карантин чораларини жорий этди. Бу эпидемияни олдини олишга имкон берди. 19 март куни янги COVID-19 ни юқтириш ҳолати қайд этилмади. Шунинг учун ҳам Хитойнинг даҳшатли вирус устидан ғалаба қозонганлигини ҳақида гаплар тарқалди.

Аммо, аслида, бундай оптимистик прогнозлар шошқалоқлик бўлиши мумкин. Бундан ташқари, аноним шифокор расмий равишда тақдим этилаётган статистикага ҳам ишонмаслик кераклигини, чунки касалхонада ётган беморлар сони атайин паст қилиб кўрсатилаётганлигини қўшимча қилмоқда .

Шифокорнинг сўзларига кўра, Си Цзиньпиннинг ташрифидан олдин пневмония аломатлари бўлган кўплаб беморлар уйларига қўйиб юборилган. Ваҳоланки, тасдиқланган қоидаларга кўра, беморларга коронавирус учун қилинган иккинчи таҳлили ҳам салбий натижани кўрсатганидан сўнггина рухсат берилиши керак.

Манбанинг қайд этишича, инфекцияни ташхис жараёни ҳам анча заифлашган. Бу эса даволовчи ва профилактика чораларининг кучсизланишига, кейинчалик мамлакатда СOVID-19 тарқалишининг янги босқичига олиб келиши мумкин.