Хитой Ҳўрмуз бўғозини бутунлай очаётганимдан жуда хурсанд — Трамп
АҚШ президенти Дональд Трамп Хитой билан алоқалар ва глобал хавфсизлик масалалари ҳақида гапирди. У бу ҳақида «Truth Social» тармоғида ёзиб қолдирган.
Трампнинг таъкидлашича, Хўрмуз бўғозининг очилиши нафақат Хитой, балки бутун дунё учун муҳим ҳисобланади.
«Хитой менинг Ҳўрмуз бўғозини бутунлай очаётганимдан жуда хурсанд. Мен буни улар учун ҳам, бутун дунё учун ҳам қиляпман», — деган Трамп.
Шунингдек, Трамп Хитой Эронга қурол етказиб бермаслик бўйича келишувга эришилганини қайд этди. Оқ уй раҳбари Хитой етакчиси Си Цзиньпин билан илиқ муносабатларига урғу бериб, келажакдаги учрашувларда ҳам ҳамкорлик давом эттирилишини қўшимча қилган.
«Биз биргаликда ақлли ва жуда яхши ишлаяпмиз. Лекин эсингизда бўлсин, биз жанг қилиш борасида бошқалардан анча устунмиз», — деб ёзган Қўшма Штатлар раҳбари.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг