Фото: РИА «Новости»

Канада Россия Федерацияси Ташқи ишлар вазирлигининг расмий вакили Мария Захаровага қарши санкциялар жорий қилди. Бу ҳақда РИА Новости хабар бермоқда.

Умуман олганда, жума куни яна 29 жисмоний ва 15 юридик шахс Канаданинг Россия Федерациясига қарши янги санкциялари остида қолди.

Аввалроқ, Оттаванинг санкциялар рўйхатига патриарх Кирилл, тадбиркор Тигран Худавердян, «Роскомнадзор» раҳбари Юрий Липов ва унинг бир қатор ўринбосарлари, шунингдек, тадбиркор Александр Лебедев, актёр Тигран Кеосаян, телебошловчи ва журналист Ольга Скабеэва, ёзувчи Захар Прилепин, тележурналист Аркадий Мамонтов киритилгани маълум бўлган эди.

16 июнь куни Буюк Британия патриарх Кириллни Россиянинг Украинадаги «махсус ҳарбий операцияси»ни фаол қўллаб-қувватлагани учун санкциялар рўйхатига киритган эди.

24 февраль куни Россия президенти Владимир Путин ЛХР ва КХДР раҳбарларининг ёрдам сўровига жавобан Донбассни ҳимоя қилиш учун Украина «махсус ҳарбий операция» ўтказишга қарор қилганини маълум қилди.

Ушбу қарор АҚШ ва унинг иттифоқчилари томонидан Россияга қарши янги санкциялар сабаб бўлди.