Италия Европада биринчилардан бўлиб чегараларни очмоқда
Ҳозирда чегараларни очиш дунёдаги энг жиддий карантин заифлашувларидан бири сифатида кўрилаётган бир пайтда Италия ҳукумати 3 июндан мамлакатга кириш ва чиқишдаги барча чекловларни олиб ташлашга қарор қилди, деб хабар беради "Интерфакс" мамлакат нашрларига таяниб.
Бундан ташқари, 3 июндан бошлаб мамлакат ичида эркин ҳаракатланишига рухсат берилади. Таъкидланишича, бош вазир Жузеппе Конте коронавируснинг иккинчи тўлқинининг олдини олишга ҳаракат қилган ҳолда аста-секин карантиндан чиқишни талаб қилмоқда.
Шунингдек, Италия музейлари ва санъат галереялари ҳам яқин орада ташриф буюрувчилар учун очилишга тайёрланмоқда. Масалан, Флоренция ҳукумати шаҳар марказида жойлашган Уффици галереяси кириш қисмида термал сканерларни ўрнатишни, шунингдек, ходимлар учун ҳимоя воситалари сотиб олишни режалаштирмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг