Илон Маск "Twitter" ходимларини ишдан бўшатишни режалаштирмоқда
Иллюстратив фото
Яқинда "Twitter"ни сотиб олган миллиардер Илон Маск компаниянинг молиявий кўрсаткичларини яхшилаш учун иш жойларини қисқартиришни ўйламоқда. Бу ҳақда "Bloomberg" ўз манбаларига таяниб хабар бермоқда.
Маск "Twitter"ни харид қилиш арафасида банкирлар билан суҳбатда умумий харажатларни, хусусан, иш жойларини қисқартириш ғоясини муҳокама қилган. Қайд этилишича, тадбиркор учун ишдан бўшатиш иккинчи ёки учинчи даражали масала ҳисобланмайди. Айтилишича, мулоқотда миллиардер суҳбатдошлар эътиборини шунга қаратган.
Нашр манбасининг қайд этишича, "Twitter"да иш ўринларини қисқартириш ғояси жуда аниқ ифодаланган бўлсада, Маск компаниянинг қайси бўлимларига потенциал ишдан бўшатишлар таъсир қилиши мумкинлиги ҳақида аниқ айтмаган.
Шунингдек, мулоқотда Маск ижтимоий тармоқнинг молиявий самарадорлигини оширишнинг яна бир чораси сифатида ундаги контентни монетизация қилишнинг турли усулларини кўриб чиқаётгани маълум бўлган. Улардан бири пуллик обунанинг функционаллигини кенгайтириш бўлиши мумкин.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг