Иккинчи марта президентликка сайланди

10:17 23 Май 2019 Дунё
1619 0

Индонезияда президент Жоко Видодо иккинчи марта ушбу лавозимга сайланди. Бироқ сайлов натижасидан рақиб тараф — Прабово Субианто жамоаси норози, дея хабар беради The Guardian. Улар жараёнда турли ноқонуний ҳолатлар юз берганини айтишмоқда. Аммо мустақил кузатувчиларнинг фикрига қараганда, ҳаммаси адолат принципларига амал қилган ҳолда ўтган.

Жоко Видодо 55,5 фоиз овоз билан ғолибликни қўлга киритган бўлса, бошқа номзод, нафақадаги генерал Субианто 44,5 фоиз сайловчи томонидан қўллаб-қувватланган.

Расмий натижалар Сайлов комиссияси (KPU) томонидан эълон қилинган бўлса-да, Прабовонинг сайловдаги адолатсизликлар ҳақидаги даъволаридан кейин аҳоли ўртасида бир қанча норозиликлар юзага келди.

Индонезия Сайлов агентлиги эса мазкур ҳолатни ўрганиб, Прабовонинг иддаосини тасдиқлайдиган фактлар йўқлиги сабабли, мустақил кузатувчилар ва таҳлилчиларнинг фикрига асосланиб, сайловнинг адолатли ўтганини эътироф қилди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Янгиликлар тақвими

Кластер