"GDG" дастурчилар фестивали бўлиб ўтмоқда
Президент таълим муассасалари агентлиги, "Digital Generation Uzbekistan“ билан ҳамкорликда «Янги Ўзбекистон» университетида ”Google Developer Groups" дастурчилар фестивали бўлиб ўтмоқда.
Фестивални ўтказишдан мақсад IT соҳасида фаолият юритувчи мутахассислар учун ҳамжамият яратиш ва тажриба алмашиш муҳитини шакллантиришдан иборат.
GDG фестиваль бутун дунё бўйлаб ўтказилиб келинади ва бу йил юртимизда ушбу фестиваль гибрид шаклда ташкил этилган. Кеча фестивалнинг онлайн қисмига старт берилиб, унда Google компаниясида ишлайдиган халқаро экспертлар билан IT соҳасидаги сўнгги технологиялар бўйича фикр алмашилди. Тадбирда Европадан ташриф буюрган спикерлар ҳам иштирок этди.
Бугун кун давомида турли тақдимотлар ва маҳорат дарслари бўлиб ўтиши режалаштирилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг