Газ қуйиш шохобчалари фаолиятига киритилган чекловлар метан газ нархларининг ошишига сабаб бўла олмайди — Монополияга қарши курашиш қўмитаси
Ҳурматли тадбиркорлар!
Куз-қиш мавсумида об-ҳавонинг совуши сабабли айрим ҳудудларда метан газ қуйиш шохобчаларида чекловлар киритиш тўғрисида мутасадди идоралар томонидан ахборот берилган.
Аммо бу ҳолат автомобилларга газ қуйиш шохобчалари томонидан метан гази нархларининг ошишига сабаб бўла олмайди.
Ўз навбатида, Монополияга қарши курашиш қўмитаси томонидан метан газ нархлари доимий мониторинг қилиб борилаётганлиги ва тадбиркорлар томонидан автомобилларга газ қуйиш шохобчаларида метан гази нархларини сунъий равишда ошириш ҳолати аниқланган тақдирда мансабдор шахсларга белгиланган тартибда тегишли чора кўрилиши маълум қилинади.
Бу борада Монополияга қарши курашиш қўмитаси томонидан барча ҳудудий бошқармаларига аниқ топшириқлар берилган ва улар томонидан назорат ишлари олиб борилаётганлиги тўғрисида огоҳлантирамиз.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг