Францияда мажбурий қайта вакцинация жорий этилади — ОАВ
Фото: AP
Францияда 18 ёшдан ошган фуқароларга 27 ноябрдан бошлаб коронавирусга қарши вакцинанинг қўшимча дозасини қабул қилиш таклиф этилмоқда.
Вакцинанинг учинчи дозасини иккинчи эмлашдан беш ой ўтгач олиш мумкин бўлади. Бу ҳақда мамлакат бирдамлик ва соғлиқни сақлаш вазири Оливье Веран маълум қилди, дея хабар бермоқда France 24 телеканали.
Вераннинг таъкидлашича, 15 декабрдан бошлаб вакцинанинг учинчи дозасисиз, агар иккинчи доза қабул қилинганига беш ой ўтган бўлса, вакцина олганлик ҳақидаги сертификатлар тан олинмайди.
Францияда Covid сертификатлари кинотеатрлар, умумий овқатланиш корхоналари ва бошқа жамоат жойларидан фойдаланиш имконини беради.
Аввалроқ, Францияда 26 ноябрдан бошлаб ёпиқ жойларда ниқоб тақиш мажбурияти қайта жорий қилиниши белгиланган эди.
Шунингдек, мамлакатда ПСР тестининг амал қилиш муддати қисқартирилмоқда. Янги тартибга кўра, салбий натижали тестнинг амал қилиш муддати 72 соат ўрнига 24 соат қилиб белгиланди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг