ФИФА терма жамоаларнинг янгиланган рейтингини эълон қилди
Кеча, 19 январь куни ФИФА терма жамоаларнинг янгиланган рейтингини эълон қилди. Бу ҳақда Ўзбекистон футбол ассоциацияси ўз саҳифасида маълумот берди.
Январь ойида Африка миллатлар кубоги ўтказилгани боис, Африка минтақаси жамоалари рейтингда сезиларли даражада юқорилаб олди. Камерун ва Конго Демократик Республикаси терма жамоалари янгиланган рейтингда Ўзбекистондан олдинлаб кетди. Шу боисдан Фабио Каннаваро бошчилигидаги «оқ бўрилар» янгиланган рейтингда 52-ўринни банд этди.
Бу Осиё бўйича бешинчи натижа дегани. ОФК мамлакатларидан Япония (19), Эрон (20), Жанубий Корея (22) ва Австралия (27) рейтингда Ўзбекистондан олдинда турибди.
Африка миллатлар лигаси сабаб ТОП-10 таликда ҳам ўзгариш бўлди. Мусобақада 2-ўринни эгаллаган Марокаш терма жамоаси Белгия, Германия ва Хорватиядан ўтиб, 8-ўринни эгаллаб олди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг