Фарғонада бир кунда иккита ёнғин юз берди

Фото: Фарғона ФВБ

Фарғона вилояти Учкўприк туманида жойлашган дўконлардан бирида ёнғин юз берди. Вилоят Фавқулодда вазиятлар бошқармаси ҳодиса юзасидан маълумот берди.

Қайд этилишича, кеча, 23 март куни соат 19:42 да Учкўприк тумани Наврўзшох кўчасида жойлашган кийим-кечак дўконида ёнғин содир бўлган.

ФВБ ходимлари воқеа жойига соат 19:44 да етиб бориб, 19:47 да алангани ўраб олган ва 19:55 да батамом ўчирган.

Таъкидланишича, ҳодиса оқибатида жабрланганлар йўқ.

Шунингдек, 23 март куни соат 22:09 да Ўзбекистон тумани «Оқтепа» МФЙ ҳудудида жойлашган трансформаторнинг мойида ёнғин келиб чиққан.

Ёнғин-қутқарувчилари ҳодиса юз берган ҳудудга соат 22:14 да етиб бориб, 22:21 да ёнғин бартараф этган.

ФВБга кўра, аланга туфайли ҳеч ким жабрланмаган.

Ҳозирда ҳар икки ҳолатда ҳам ёнғиннинг келиб чиқиш сабаби ва етказилган зарар миқдори аниқланмоқда.