«Энди тиқилинч бўлмайдими?»: Тошкент метроси учун 12 та вагон олиб келинди
Тошкент метрополитени хабарига кўра, пойтахт метроси учун 31 декабрь куни 3 та янги ҳаракат таркиби — 12 та метро вагони олиб келинган.
Маълумки, Тошкент метрополитени декабрь ойида илк маротаба бир кунда миллион нафардан ортиқ йўловчиларга хизмат кўрсатган эди.
Шуни алоҳида таъкидлаш керакки, метрополитан фойдаланувчиларининг кўпайиб бориши ўз навбатида хизмат кўрсатиш сифатида таъсир қилаётган, тиқилинч ва ноқулайлик ортиб бораётган эди. Ушбу муаммоларни бартараф этиш мақсадида 3 та янги ҳаракат таркиблари (12 та метро вагони) метро вагон паркига олиб келинди, дейилади хабарда.
Ушбу ҳаракат таркиблари белгилан йўриқномага асосан, 9-10 кун давомида техник синовдан ўтказилиб, сўнгра йўловчиларга хизмат қилиши йўлга қўйилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг