Дунёда коронавирус. Индинга вакцина синови бошланади ва бошқа янгиликлар
— Жон Хопкинс университети берган маълумотларга кўра, дунё бўйича коронавирусга чалинганлар сони 2,5 млн. нафардан ошди, 171 минг нафардан зиёд бемор вафот этган.
Европада:
— COVID-19дан вакцинани синаш пайшанба куни Оксфордда бошланади.
— Памплона шаҳридаги Сан-Фермин буқаларининг анъанавий югуртириш фестивали бекор қилинди.
— Берлин 5 минг ва ундан ортиқ кишига мўлжалланган тадбирларни 24 октябрга қадар бекор қилишга қарор қилди. Шу жумладан, Октоберфест ҳам.
Америкада:
— АҚШда ишсизлик нафақасини сўраб мурожаат қилган фуқаролар сони 22 млн. нафарга етди.
— Трамп АҚШда иммиграция жараёнларини музлатишини маълум қилди. Мамлакатда вирусни юқтирганлар сони қарийб 789 минг нафарга етди, беморлардан 42,4 минг нафари вафот этди.
Бошқа ҳудудларда:
— Саудия Арабистонида муқаддас Рамазон ойида комендантлик соати юмшатилади.
— Грузияда фавқулодда вазият режими 22 майга қадар узайтирилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг