Буюк Британиянинг "Covid-19"га қарши вакцинасининг қанчалик самарадорлиги маълум бўлди
Фото: REUTERS
Буюк Британиянинг Оксфорд университети ва "AstraZeneca" компанияси ҳамкорликда ишлаб чиқарган коронавирусга қарши вакцинанинг самарадорлиги 70 фоизни ташкил этди.
Бу ҳақда копания томонидан маълум қилинди. Унга кўра, ушбу вакцина анча арзон, уни сақлаш ва дунёнинг турли бурчакларига етаказиб бериш ҳам осонроқ. Шу муносабат билан, экспертларнинг таъкидлашича, ушбу дори пандемияга қарши курашда, агар назорат қилувчи органлар томонидан маъқулланса, муҳим роль ўйнаши мумкин. Манбага кўра, ушбу вакцинанинг самарадорлигини 90 фоизгача етказиш мумкин экан. У 10 ой ичида ишлаб чиқилган.
Буюк Британия ҳукумати ушбу вакцинадан 100 миллион доза олдиндан буюртма берган ва бу 50 миллион кишини эмлаш учун етарли миқдор ҳисобланади.
Олдинроқ "Pfizer" ва "Moderna" компанияларининг вакциналарининг самарадорлиги 95 фоизни ташкил этгани маълум қилинган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг