Бутунжаҳон антидопинг агентлигининг «Допингдан холи спорт олами сари бирлашамиз» мавзусидаги Симпозиуми ўз ишини бошлади
Айни кунларда Швейцариянинг Лозанна шаҳрида Бутунжаҳон антидопинг агентлиги (WADA)нинг йиллик симпозиум бўлиб ўтмоқда.
Мазкур анжуманда дунёнинг 800 дан ортиқ Халқаро федерациялар, миллий ва минтақавий антидопинг ташкилотлари раҳбарлари билан бир қаторда Ўзбекистон Республикаси Миллий антидопинг агентлиги директори А.Садиков ва агентлик ходими Ж.Рахмонбердиевлар иштирок этишмоқда.
15-16 март кунлари бўлиб ўтиши режалаштирилган симпозиумнинг биринчи кунида анжуман очилиш маросими бўлиб ўтди ва унда WADA президенти Витолд Банка сўзга чиқиб, йиғилганларга ҳалол спорт йўлида самарали фаолият олиб бораётганликлари учун миннатдорлик билдирди.
Шундан сўнг симпозиум ўз ишини бошлади. Симпозиум биринчи кунида давлатлар ўртасидаги ҳамкорлик, давлатларнинг WADA кодексига бўлган муносабати ва Бирлашган миллатлар ташкилоти томонидан таъсис қилинган конвенция ҳақида сўз борди. Шунингдек, турли масалалар муҳокама қилинди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг