Франция пойтахтида ўтказилаётган ёзги Олимпиада ўйинларида ўзбек спортчилари ўз юришларини давом эттирмоқда.

«Париж-2024» ёзги Олимпиада ўйинларининг 4 август кунига режалаштирилган ўйинлар доирасида 3 та спорт тури бўйича6 нафар ҳамюртимиз ўз иштирокини ўтказади.

Кунни соат 14:00 дан кейин енгил атлетика бўйича баҳсларда қатнашадиган юртдошимиз Анвар Анваров бошлаб беради. Ушбу спорт турида финалда қатнашадиган ҳамюртимиз ҳам бор. Сафина Саъдуллаева баландликка сакраш дастурининг «В» гуруҳида 1,95 метр натижа қайд этиб финалга эга чиққанди.

Велоспортдаги биринчи кун омадсиз ўтган бўлса ҳам, 17:00 да бошланадиган баҳсларда умид бор. Гарчи кучли спортчиларга қарши чиқишсада, Олга Забелинская ва Янна Кусковага омад тилаймиз.

Боксда иккита ярим финал баҳсини ўтказамиз. Бу эса жуда масъулиятли кун эканлигини англатади. Дастлаб, 19:50 да Ҳасанбой Дўсматов Кабо Верде вакили Даниел Давид Варела де Пинага қарши рингга кўтарилади. Иккинчи яримфинал эса -92 кг вазн тоифасидаги Лазизбек Мулложанов 20:40 да тожикистонлик Давлат Болтаев ўртасида бўлиб ўтади.

«Халқ сўзи» барча спортчиларимизга омад ва муваффақият тилайди.