Архив сурат

Буюк Британия ички ишлар вазири Свелла Браверман истеъфога чиқди ва бир ҳафта ичида бош вазир Лиз Трасс идорасини тарк этган иккинчи вазирга айланди. Бу ҳақда "The Guardian" нашри хабар бермоқда.

Газетанинг ёзишича, бош вазирлик учун курашда собиқ ғазначилик раҳбари Риши Сунакни қаттиқ қўллаб-қувватлаган собиқ транспорт котиби Грант Шаппс ички ишлар вазири лавозимида Браверман ўрнини эгаллаши мумкин. Манбаларга кўра, Лиз Трасс  Британия парламентининг қуйи палатаси йиғилишида Браверман билан суҳбатлашган.

Бош вазир идораси ички ишлар вазири ишдан бўшатилганини инкор этсада, унинг кетиши сабаблари тушунтирилмаган.

Манбаларга кўра, бу қарор ишдан бўшатилган Квази Квартенг ўрнига янги молия вазири Жереми Хантнинг буйруғи билан қилинган. Таъкидланишича, ҳозир айнан Хант «ипларни тортмоқда».

Шунингдек, Браверман Трасснинг молиявий бозорларда тартибсизликка ва фунт стерлинг қадрсизланишига олиб келган шов-шувли солиқ ислоҳотининг энг ашаддий танқидчиларидан бири бўлгани таъкидланган. Натижадад Англия банки давлат облигациялари бозоридаги вазиятга аралашишга мажбур бўлди.

Аввалроқ, Трасс истеъфога чиқиш нияти йўқлигини айтган эди. Ҳукумат раҳбари хатоларни тан олган ва иқтисодиётни тиклаш бўйича таклиф қилинган режалар «ҳаддан ташқари узоққа кетганини» таъкидлаган. Бироқ, у миллий манфаатлар учун ҳаракат қилганини айтган.