Билль Гейтс Европа Иттифоқи ва АҚШнинг пандемияга қарши курашдаги қўпол хатолари ҳақида гапирди
Фото: AP
АҚШ ва Европа Иттифоқи коронавирус пандемиясининг бошида бир қатор қўпол хатоларга йўл қўйган ва шу боис улар эпидемияга қарши курашда қийналмоқда.
Бу ҳақда "Microsoft" корпорацияси асосчиси Билль Гейтс Полшанинг "Gazeta Wyborcza" нашрига берган интервьюсида айтиб ўтди.
Гейтснинг сўзларига кўра, Ғарб ҳукуматлари аҳолини касалликка қарши тест синовларидан ўтказишни имкон қадар тезроқ амалга ошириши ва юқтиришни эрта босқичидаёқ изоляция қилиши ҳамда шу орқали касалликнинг кескин кўпайишига йўл қўймаслиги керак эди.
Агар улар худди шу йўлдан борганида қаттиқ чеклов чоралари ва узоқ муддат давом этадиган локдаунларга зарурат бўлмасди.
Март ойи бошида Гейтс 2022 йилгача дунё нормал ҳолатга қайтиши мумкин эмаслиги ҳақида айтиб ўтган эди.
Унинг қайд этишича, кўрилган чоралар пандемияни енгиш учун етарли эмас. Мутацияга учраган вирусга қарши кураш кейинги йилнинг охирига давом этиши мумкин.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг