Берунийдан-Қорақамишгача, ТТЗ ва “Ипподром”гача. Тошкент метросининг яна учта ерости тармоғи қурилиши мумкин
Транспорт бўйича бош лойиҳалаш-тадқиқот институти (“Боштранслойиҳа” АЖ) мутахассислари томонидан Тошкент метросининг яна учта ерости тармоғини қуриш таклиф этиляпти.
Яқинда давлат раҳбарига тақдим этилган пойтахт метрополитенини ривожлантириш бўйича лойиҳада мазкур янгилик ҳам ўрин олган.
Унга кўра, “Беруний” станциясидан Қорақамиш томон иккита, “Буюк ипак йўли” станциясидан Трактор заводи(ТТЗ) томон учта, “Мингўрик” станциясидан Отчопаргача еттита янги бекат қурилиши таклиф этилган.
Бугунги кунда пойтахт метросининг умумий узунлиги 36 км.га тенг. Яна 10 км.и эса барпо этиляпти. Бундан олдин 2025 йилгача Тошкент метроси узунлигини тўрт баробар, яъни 157 км.гача етказиш, 74 та, жумладан, 17 та пересадка бекатини бунёд этиш режалаштирилган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг