Байден журналистларнинг саволларини мусиқа билан бостиришга уринди
Фото: AP
АҚШ президенти Жо Байден 22 ноябрь куни Оқ уйда бўлиб ўтган матбуот анжуманида журналистларнинг саволларига жавоб бермаслик учун мусиқадан фойдаланди. АҚШ президенти конференциядан сўнг минбарни тарк этаётгани акс этган видео интернетда муҳокамаларга сабаб бўлди.
Байден журналистлар билан ички сиёсат масалалари юзасидан мулоқот қилди. АҚШ президенти нутқи якунлангач, журналистларнинг саволларига навбат бериш ўрнига йиғилганларга миннатдорчилик билдириб, чиқишга йўл олди. Залда турган журналистлар давлат раҳбарига саволлар йўллай бошлади. Бу вақтда хонада мусиқа янграган ва Байден унинг жўрлигида зални тарк этган.
Америкалик журналист Бенни Жонсон "Твиттер"да: «Байден матбуот саволларини бўғиш учун мусиқасидан фойдаланди», — дея хабар қолдирди.
Байденнинг журналистлар саволларига жавоб беришдан бош тортиши биринчи марта эмас. Жамоатчилик Оқ уй маъмурияти шу тариқа Америка етакчисини ОАВ билан провокацион мавзуларда суҳбатдан «ҳимоя қилмоқда» деб тахмин қилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг