Бадавлат хитойликлар қаттиқ карантин туфайли мамлакатни тарк этишга қарор қилган
Фото: Reuters
Хитойнинг бадавлат фуқаролари бир қатор шаҳарларда қаттиқ карантинлар жорий этилишидан қўрқиб, мамлакатдан фаол равишда ҳижрат қила бошлаган. Шанхайда эса чекловларга қарши норозилик кучаймоқда. Бу ҳақда «Financial Times» нашри ёзмоқда.
Эмиграция билан шуғулланувчи ўнлаб компаниялар ўртасида ўтказилган сўровларга кўра, бу соҳада талаб кескин ошган. Бу март ойининг охирида Шанхайда карантин жорий этилиши билан боғлиқ. Баъзи хитойликлар ўз шаҳарларини худди шундай тақдир кутаётганидан қўрқишади ва имкон қадар тезроқ мамлакатни тарк этишга қарор қилган.
«Ҳокимият одамларни мавсумий гриппдан кўра ёмонроқ бўлмаган касаллик билан курашиш учун асосий эҳтиёжларини қурбон қилишга мажбур қилмоқда», — дейди шанхайлик Жеймс Чен.
18 апрель куни Шанхай маъмурияти 89 ёшдан 91 ёшгача бўлган уч нафар фуқаронинг коронавирусдан вафот этгани ҳақида хабар берди.
Аввалроқ, шаҳарда 19,8 мингта симптомларсиз инфекция ҳолати қайд этилгани, 2,4 минг нафар одамда касаллик белгилар аниқлангани маълум қилинган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг