Аёллар Осиё чемпионатининг “Б“ гуруҳидан ўрин олган иккинчи ўйин якунланди
Маълумки, 2 март санасидан бошлаб Австралияда аёллар терма жамоалари ўртасидаги Осиё чемпионати мусобақаси старт олди.
Бугун мусобақанинг “Б“ гуруҳидан ўрин олган баҳслар бўлиб ўтди. Куннинг биринчи ярмида Ўзбекистон миллий терма жамоаси Корея Халқ Демократик Республикаси термасига 3:0 ҳисобида имкониятни бой берган эди.
Гуруҳнинг иккинчи ўйинида эса Хитой терма жамоаси Бангладеш устидан 2:0 ҳисобида ғалаба қозонди. Ўйинда киритилган голларга Ван Шуан ва Жиан Ру И муаллифлик қилди.
Шу тариқа биринчи турдан кейин Ўзбекистон миллий терма жамоаси ўз гуруҳида сўнгги ўринни эгаллаб турибди. Котрина Кулбите бошқарувидаги жамоа кейинги ўйинини Хитойга қарши ўтказади.
Маълумот учун, мусобақанинг чорак финалига ҳар бир гуруҳда биринчи ва иккинчи ўринни эгаллаган жамоалар, шунингдек, энг яхши натижага эга бўлган 2 та учинчи ўрин соҳиблари йўл олишади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг