AҚШда коронавирусга қарши эмланган қария 25 дақиқадан сўнг вафот этди
Aмерикалик кекса одам Нью-Йркдаги ихтисослашган марказда коронавирусига қарши эмланганидан сўнг вафот этди. Қариянинг соғлиғи вакцина қабул қилгандан сўнг дарҳол ёмонлашган бўлсада, шифокорлар унинг препаратга аллергик реакциядан ўлмаганлигини айтмоқда.
Шифокорлар хавфсизлик чораларига кўра, эмлашдан кейин 15 дақиқа давомида беморнинг аҳволини кузатдилар. 70 ёшдан ошган эркакнинг тахминан 25 дақиқадан сўнг тоби қоча бошлаган. Унга ўз вақтида ёрдам кўрсатилиб, касалхонага ётқизилган, аммо қария ҳушига келмасдан касалхонада вафот этган. Шифокорлар бемор вакцинанинг ножўя таъсиридан ўлмаганлигини таъкидлашмоқда, аммо ўлим сабаби аниқ айтилмаган.
Шунга ўхшаш ҳолат январь ойи охирида ҳам қайд этилганди. Эмлашдан бир неча соат ўтгач бемор вафот этган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг