АҚШ Вакиллар палатаси Трампга импичмент эълон қилди
Фото: AP
Бу президентни ҳокимиятдан четлаштиришга қаратилган иккинчи уриниш. Миллий гвардиянинг айрим қисмлари шай ҳолатга келтирилган.
АҚШ Вакиллар палатаси Трампга импичмент бериш учун овоз берди. АҚШ Конгрессининг қуйи палатаси Вакиллар Палатаси Вашингтондаги сўнгги тартибсизликлардан сўнг АҚШнинг амалдаги президенти Доналд Трампга импичмент эълон қилиш учун овоз берди.
Қонун чиқарувчиларнинг 232 нафари ушбу ҳужжатга овоз берди. 197 нафари эса қарши овоз берган. Маълумотларга кўра, давлат раҳбарининг лавозимидан четлатилишини қўллаб-қувватлаганлар орасида Республикачилар партиясининг 10 нафар аъзоси ҳам бор.
Вакиллар палатаси аъзоларининг фикрига кўра, Трамп миллий хавфсизлик ва демократияга таҳдид бўлиб қолмоқда. Шу сабабли у лавозимидан четлаштирилиши керак.
Палата томонидан резолюциянинг қабул қилиниши бу жараённинг биринчи қадамидир. Кейин у Конгресс Сенатининг муҳокамасига юборилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг