Иллюстратив фото

Америка Қўшма Штатлари қарши Россияга қарши янги санкцияларни жорий қилди. Ундан ўнлаб шахслар ва ташкилотлар жой олди. Бу ҳақда Америка Молия вазирлиги веб-сайтида маълум қилинди.

Департаментнинг тушунтиришича, бу чоралар Вашингтон Россия ҳарбий-саноат мажмуаси ва унга алоқадор компанияларга алоқадорликда гумон қилаётган шахсларга, жумладан, Россия, Озарбайжон ва Беларус фуқароларига таъсир кўрсатди.

Санкциялар рўйхатига “Армата” танкининг дизайнери Андрей Терликов ҳам киритилган.

Бундан ташқари, АҚШнинг янги санкциялари рўйхатидан Қозон “Электроприбор” заводи ва “Протон” электроника заводи (Москва), Брянск автомобиль заводи ва Урал автомобиль заводи, шу жумладан унинг бош директори Павел Яковлев, Волгоград трактор ва Ярославл мотор заводлари, “Трансстрой” МЧЖ, “Сибантрацит” компаниялар гуруҳи, “Рау Фарм” ОАЖ, “Нефтегазстрой” ва “ВНИПИгаздобича” акциядорлик жамияти, “Апаратсозликнинг марказий конструкторлик бюроси” ОАЖ ва “Аргус-НВ” ТПК, “Red Box Energy Services” (Сингапур) ва “CFU Shipping” (Гонконг) ва уларнинг кемалари (гўё Россиянинг “Арктик СПГ 2” лойиҳаси билан боғлиқ) жой олди.

Ушбу рўйхатга “Победа” авиакомпанияси ҳам киритилган. Аниқлик киритилишича, ташувчи иштирокида товарларни етказиб бериш ва хизматларга жорий йилнинг 30 июнига қадар, тўловларга эса жорий йилнинг 30 июлига қадар рухсат этилади.

Бундан ташқари, АҚШ Россиянинг радиациявий, кимёвий ва биологик мудофаа кучларига, шунингдек, 16 та денгиз кемаларига, жумладан, “Андрей Осипов”, “Арктика-1”, “Арктика-2”, “Баренц”, “Беринг”, “Мангазея”, “Михаил Бритнев”, “Мыс Дежнева”, “Мыс Флора”, “Мыс Шмидт”, “Мыс Желания” ва “Василий Лановой”га санкция жорий этилди.

Украинада махсус ҳарбий операция бошланганидан кейин хорижий давлатлар Москвага нисбатан санкцияларни кучайтирди.

Россия президенти Владимир Путин жорий этилаётган чекловлар бутун жаҳон иқтисодиётига жиддий зарба бераишини бир неча бор таъкидлаган.