АҚШ президенти Херсон устидан назоратни Украина учун «муҳим ғалаба» деди
Фото: Reuters
АҚШ президенти Жо Байден Россия қўшинларининг Херсондан олиб чиқиб кетилиши ва шаҳарнинг Украина Қуролли Кучлари назоратига ўтиши Киев учун «муҳим ғалаба» дея баҳолади.
Байден Индонезияда бўлиб ўтган G 20 саммитининг матбуот анжуманида иштирок этиб, «Биринчидан, бу Украина учун муҳим ғалаба», деди у рус армиясининг Херсондан олиб чиқиб кетилишига изоҳ бериб. Шу ўринда у Вашингтон Киевга ҳарбий ёрдам кўрсатишда давом этишига ваъда берди.
АҚШ президенти, шунингдек, Қўшма Штатлар Украина инқирози бўйича Киев иштирокисиз ҳеч қандай музокараларда қатнашмаслигига таъкидлади.
Жорий йилнинг 9 ноябрь куни Россия мудофаа вазири Сергей Шойгу рус қўшинларини Херсондан Днепрнинг чап қирғоғига олиб чиқишни буюрди. У бу қарорини таҳдидларнинг кучайиши ва россиялик ҳарбийларнинг ҳаётини сақлаб қолиш истаги ва умуман, қўшинлар гуруҳининг жанговар самарадорлиги билан изоҳлаган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг