Фото: Tasnim News Agency

Америка Қўшма Штатлари наздида Фаластиннинг ҲАМАС радикал ҳаракати билан алоқадор дея топилган шахсларга нисбатан санкциялар рўйхати кенгайтирилди. Тафсилотлар АҚШ Молия вазирлиги томонидан тақдим этилган.

“Бугун АҚШ Молия вазирлигининг Хорижий активларни назорат қилиш бошқармаси 7 октябрь куни Исроил ва унинг тинч аҳолисига уюштирилган ваҳший ҳужумлардан сўнг ҲАМАС билан алоқадор асосий амалдорлар ва молиявий тармоқларга қарши санкцияларнинг иккинчи босқичини жорий қилди”, — дейилади вазирлик баёнотида.

Расмийларнинг таъкидлашича, янги чора-тадбирлар ҲАМАСнинг инвестиция портфелидаги қўшимча активларга қаратилган.

Санкциялар рўйхатига ҲАМАСнинг Эроннинг Ислом инқилоби қўриқчилари корпуси (ИИҚК) аъзолари, ҲАМАСнинг Эрондаги расмий вакили, шунингдек, гўёки Эрон ҳомийлик қилган Ғазо секторидаги ҲАМАС ҳаракати ва унинг иттифоқдоши “Исломий жиҳод” гуруҳи тушмоқда.

Аввалроқ, тўққиз киши ва “Buy Cash Money and Money Transfer“ ташкилоти ҲАМАС билан алоқалари учун Америка санкциялар рўйхатига киритилган эди. Санкцияга учраган шахслар орасида Иордания, Миср, Судан, Туркия ва Фаластин фуқаролари ҳам бор.