“Apple” пандемиядан кейин ҳам масофавий ишлашни давом эттирмоқчи
“Apple” ходимлари масофадан туриб ишлаш жараёнида ўзларининг самарадорликларини исботлашди, дея баёнот берди Америка корпорацияси раҳбари Тим Кук.
Шу боис у пандемиядан сўнг ҳам ходимлар учун уйда ишлаш имкониятини сақлаб қолмоқчи эканлигини таъкидлаган.
“Мен аввалги иш форматига қайтамиз деб ўйламайман. Коронавирус билан боғлиқ вазият кўп нарсаларнинг виртуал режимда мукаммал ишлашини намойиш этди”, дейди корпорация раҳбари.
Маълумот ўрнида, ҳозирги пайтда компания ходимларининг 85 фоизи масофадан туриб ишламоқда. Офис ишига тўлиқ қайтиш жараёни эса фақат кейинги йил бўлиши кутилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг