Ангренда тураржой биносидаги ёнғинда бир киши ҳалок бўлди
8 февралга ўтар кечаси Ангрен шаҳрида тўрт қаватли тураржой биносининг энг юқори қаватида жойлашган квартирада ёнғин содир бўлди. Ҳодиса оқибатида бир нафар инсон ҳалок бўлгани маълум қилинди. Бу ҳақда Ўзбекистон ФВВ хабар берди.
Ёнғин ҳақидаги хабар навбатчи қисмга соат 23:19 да келиб тушган. Ўт ўчирувчилар 11 дақиқа ичида воқеа жойига етиб бориб, бинодаги барча аҳолини эвакуация қилган. Соат 23:57 да ёнғин локаллаштирилган, 00:50 га келиб эса тўлиқ ўчирилган.
Кейинчалик вазирлик маълум қилишича, воқеа жойига Фавқулодда вазиятлар вазири Азизбек Икрамов ҳам етиб келган. Жабрланганлар сони бўйича қўшимча маълумот берилмаган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг