Англия "Евро — 2020"нинг 2-финалчисига айланди
Футбол бўйича Европа чемпионатининг иккинчи финалчиси ҳам маълум бўлди.
Кеча "Уэмбли"да бўлиб ўтган ярим финал баҳсида Англия терма жамоаси "Евро — 2020" нинг ўзига хос кашфиётига айланган Данияни қўшимча таймларда қийинчилик билан мағлубиятга учратди.
Учрашувнинг асосий вақти Дамсгорнинг жаримадан киритган чиройли тўпи ҳамда Кьернинг автоголи эвазига 1:1 ҳисоби билан якунланди. Экстра таймларда Харри Кейн киритган гол инглизларга ғалаба келтирди.
Туманли Альбион вакилларини финалда испанларни пенальтилар серияси орқали уйига равона қилган итальянлар кутиб турибди.
Ушбу шиддатли ўтиши кутилаётган баҳс ҳам 11 июль куни Лондонда "Уэмбли" ўйингоҳида бўлиб ўтади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг