Андижонда бўр даври ётқизиқларидан табиий газ қазиб чиқариш қайта йўлга қўйилди
“Андижоннефт" акдиядорлик жамиятига қарашли «Учтепа» конида мукаммал таъмирлаш ишларидан кейин бўр даври ётқизиқларининг XVIII қатламидан табиий газ қазиб чиқариш қайта йўлга қўйилди. Бу ҳақда «Ўзбекнефтгаз» АЖ матбуот хизмати хабар берди.
Қайд этилишича, 1(юра)-сонли қудуқ «Андижоннефтгазқудуқтаъмирлаш» МЧЖ мутахассислари томонидан тўлиқ таъмирланди.
Ушбу қудуқда 1085 —1090 метр оралиқдаги қатламдан келаётган сув йўлини тўсиш мақсадида цементли кўприги ўрнатилиб, 1064-1069 метр интерваллар оралиғида перфорация ишлари амалга оширилди.
Натижада қудуқдан саноат миқёсида кунлик ўртача 50 минг куб метр табиий газ қазиб чиқаришга эришилди.
Маълумот учун: «Учтепа» нефтгазконденсат кони Андижон вилоятининг Булоқбоши туманида жойлашган бўлиб, 2017 йилда ишга туширилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг