"Fujairah Open — 2022"da oʻzbekistonlik taekvondochilar umumjamoa hisobida birinchi boʻldi
Foto: Oʻzbekiston taekvondo WT assotsiatsiyasi
Birlashgan Arab Amirliklarida taekvondo WT boʻyicha nufuzli "Fujairah Open — 2022" xalqaro turniri boʻlib oʻtdi.
Germaniya, Fransiya, Vengriya, Xorvatiya, Ispaniya, Belgiya, Hindiston, Janubiy Koreya, Serbiya, Gruziya, Iordaniya, Marokash va Qozogʻiston kabi mamlakatlardan kelgan 600 nafardan ziyod taekvondochilar sovrinli oʻrinlar uchun bellashgan musobaqa yakunida 4 ta oltin, 1 ta kumush va 2 ta bronza medali jamgʻargan Oʻzbekiston terma jamoasi umumjamoa hisobida birinchi oʻrinni qoʻlga kiritdi.
Turnirda Tokio Olimpiadasi chempioni Ulugʻbek Rashitov, shuningdek, Jasurbek Jaysunov, Feruza Sodiqova va Svetlana Osipova oltin medallarga egalik qildi. Charos Qayumova oʻz vazn toifasida kumush, Nikita Rafalovich va Niyoz Poʻlatov esa bronza medalini qoʻlga kiritdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring