Яқинда Амстердамдаги “Geelvinck — Hinlopen Huis” уй-музейида Ўзбекистоннинг сайёҳлик салоҳиятига бағишланган тақдимот маросими бўлиб ўтди. Тадбир мамлакатимизнинг Бельгиядаги дипломатия ваколатхонаси ҳамда Амстердамнинг “De Industrieele Groote Club” саноат клуби билан ўзаро  ҳамкорликда ташкил этилди.

Мақолани дўстларингиз билан бўлишинг!

Тинч ва Атлантика океанларида бирданига бешта тўфон пайдо бўлган.

Улардан “Халонг” номли довул кучлилиги жиҳатидан охирги, яъни бешинчи даражага чиққан. Тўфон айни пайтда Япония ҳамда Гавай ороллари томон ҳаракатланмоқда.

Япония ва АҚШ синоптикларининг таъкидлашича, ушбу табиий офат жорий йилдаги энг катта талафотларни келтириб чиқариши мумкин. Тўфон 9 августга қадар Япония қирғоқларига етиб бориши тахмин қилинмоқда. Бундан ташқари, табиий офат таъсири Жанубий Кореяда ҳам сезилиши айтилаяпти.

Шу муносабат билан мазкур мамлакатларда фавқулодда ҳолатларнинг олдини олиш бўйича тегишли чора-тадбирлар кўрилмоқда.

Мақолани дўстларингиз билан бўлишинг!

“Nike” компанияси АҚШнинг Нью-Йорк шаҳрида спорт кийимлари сотадиган қурилма (автомат) ўрнатди.

Эътиборли жиҳати, ундан буюмларни пулга эмас, балки жисмоний фаоллик орқали тўпланган балларга харид қилиш мумкин. Бунинг учун сизда смартфон ёки “Nike” билагузуги бўлиши лозим. Смартфон ва билагузукдаги махсус дастур (уни “Nike” сайтидан текинга юклаб олиш имконияти яратилган) кун давомидаги жисмоний фаоллигингизни ҳисоблаб, балларга айлантириб боради. Сўнг тўпланган очколарни автомат орқали футболка, пайпоқ, белбоғ ва шунга ўхшаш спорт буюмлардан бирига айирбошлайсиз.

Дастур фақат кун давомида йиғилган балларни ҳисобга олади. Яъни балларни бир неча кунга тўплаб қўйиб бўлмайди. “Nike” бунгача буюмларни пулларга харид қилса бўладиган шунга ўхшаш автоматларни Европа ҳамда АҚШнинг бир қатор шаҳарларида ўрнатган эди. 

Мақолани дўстларингиз билан бўлишинг!

“Grass” компанияси мутахассислари автомобиль ойналари учун “NanoForce” деб номланган махсус қоплама яратишди.

У автомобиль ойнасига суртилганда, микроёриқлар беркилиб, молекуляр даражадаги жипслик билан кўринмас қатлам ҳосил бўлади. Мазкур модда ташқи таъсирларни ўзига олмайди. Шу боис автомобиль ойнаси бир неча ой давомида тоза сақланади. Қолаверса, “NanoForce” юритилганда, ойнага сув ҳам умуман юқмайди. Демак, ёмғирда ойна тозалагичлардан фойдаланишга асло ҳожат йўқ. 

Ушбу ихтиро синовдан ўтказилиб, мутахассис ҳамда автоҳаваскорларнинг ижобий баҳосига сазовор бўлди.

Мақолани дўстларингиз билан бўлишинг!

Президентимизнинг “Ўзбекистонда озиқ-овқат дастурини амалга оширишнинг муҳим захиралари” мавзуидаги халқаро конференцияда сўзлаган нутқи жаҳон ҳамжамиятида катта қизиқиш уйғотди. Анжуманда иштирок этган нуфузли халқаро ташкилотлар, хорижий давлатлар ҳукуматлари вакиллари, олимлар, мутахассислар, иқтисодиётнинг аграр секторида фаолият кўрсатаётган компаниялар, банклар ва бошқа молия институтлари раҳбарлари Ўзбекистон нафақат озиқ-овқат саноати, балки барча соҳаларда тараққиёт йўлидан собитқадамлик билан одимлаётганига ишонч ҳосил қилиб, “ўзбек модели”нинг амалдаги самарасини алоҳида эътироф этишди. Айни пайтда тадбирдан олинган таассуротлар, фикр-мулоҳазалар жаҳоннинг етакчи нашрларида ҳам эълон қилиб борилаяпти.

Мақолани дўстларингиз билан бўлишинг!

Мамлакатимиз мустақиллигининг 23 йиллиги арафасида Ўзбекистон Республикаси Олий Мажлиси Сенатининг ўн бешинчи ялпи мажлиси бўлиб ўтади. Ялпи мажлис кун тартибига юртимиз сиёсий, ижтимоий-иқтисодий ҳаётини изчил ислоҳ қилиш ва либераллаштиришга қаратилган қатор қонунлар киритилган. Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепциясига мувофиқ ишлаб чиқилган “Ижтимоий шериклик тўғрисида”ги, “Биржалар ва биржа фаолияти тўғрисида”ги (янги таҳрирда), “Тижорат сири тўғрисида”ги, “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Ўзбекистон Республикаси қонунлари ана шулар жумласидандир.

Мақолани дўстларингиз билан бўлишинг!

Антарктида ҳудудидаги Сеймур оролидан улкан пингвин суяклари  топилди.

Бу ҳақда “Comptes Rendus Palevol” журналида мақола чоп этилди. Унда ёзилишича, бундан бир неча минг йиллар муқаддам Антарктидада баҳайбат пингвинлар яшаган. Уларнинг бўйи икки метрдан зиёд бўлиб, оғирлиги 115 килограммгача етган. 

Бугунги кундаги пингвинларнинг оғирлиги 46 килограмм, бўйи эса кўпи билан 1,36 метрни ташкил этади.

Мақолани дўстларингиз билан бўлишинг!

Сирдарё вилояти ҳокимлиги ташаббуси билан 110 нафар ўғил-қиз республикамиз пойтахтига саёҳат қилишди.

Мақолани дўстларингиз билан бўлишинг!

Жорий йилнинг 7 августида АҚШда кибержиноятчиликка қарши курашишда мутахассислар ва хакерларнинг анъанавий халқаро анжумани бўлиб ўтади.

“Рейтер” ахборот агентлиги хабарига кўра, бу галги тадбирда “IOActive” компаниясининг дастурчиси Рубен Сантамарта янги маърузаси билан иштирок этади. Мазкур нутқнинг ўзига хослиги шундаки, унда бугунги кунда долзарб бўлиб бораётган йўловчи самолётларига интернет орқали ҳужум уюштириш йўлларининг олдини олиш ҳақида сўз юритилади.

Тадқиқотчи бу борада кўп йиллик илмий изланишларни олиб борган.

Мақолани дўстларингиз билан бўлишинг!

Бойсун туманидаги “Мўмин” хусусий корхонаси жамоаси уй-жой қурилиши билан шуғулланади.

Яқинда ушбу корхона қошида қўшимча тармоқ ҳам ишга туширилди. Банк томонидан ажратилган 1 миллиард 650 миллион сўмлик кредит эвазига хориждан шағал ва шлакоблоклар ишлаб чиқариш технологияси келтирилди.

— Қисқа фурсатда қурилиш ташкилотларидан кўплаб буюртмалар олдик, — дейди тадбиркор Беҳзод Қодиров. — Шағалнинг бетон қоришмаси билан бирикувчанлигини оширадиган ушбу замонавий ускунанинг яна бир афзаллиги, у электр энергиясини кам сарфлайди. Бу эса маҳсулот таннархини камайтиришда қўл келаяпти. Мижозларга қулайлик яратиш мақсадида қурилиш материалларини буюртмачилар манзилига ўзимиз етказиб бераяпмиз. 

Нормурод ТЕМИРОВ,

«Халқ сўзи» мухбири.

Мақолани дўстларингиз билан бўлишинг!