Сайёҳлик соҳаси учун малакали кадрлар
  • 24 Февраль 2017

Сайёҳлик соҳаси учун малакали кадрлар

Вилоятда айни пайтда 150 дан зиёд меҳмонхона ва сайёҳлик фирмалари фаолият кўрсатмоқда. Қолаверса, кўҳна шаҳарни томоша қилиш, халқимизнинг бой маданий -мероси билан яқиндан танишиш истагидаги хорижлик меҳмонлар оқими ҳам йил сайин кўпайиб бораяпти.

Бу эса соҳа учун малакали кадрлар тайёрлаш заруратини келтириб чиқараётир. Бухоро давлат университетида мазкур масала ечимига киришилди. Сайёҳлик кафедраси негизида туризм факультети фаолияти йўлга қўйилди.

— Президентимиз Шавкат Мирзиёев томонидан 2016 йилнинг 2 декабрида “Ўзбекистон Республикасида туризм соҳасини жадал ривожлантириш чора-тадбирлари тўғрисида”ги Фармон қабул қилинди, — дейди университет ўқитувчиси, иқтисод фанлари номзоди Аброр Жўраев. — Ушбу ҳужжатда белгилаб берилган вазифалар ижроси доирасида иш бошлаган факультетимизда туризм, меҳмонхона хўжалигини ташкил этиш ва бошқариш, хизматлар йўналишларида бакалаврлар ҳамда магистрлар тайёрланади. Биз, шунингдек, сайёҳлик таълими бўйича халқаро ҳамкорликни ҳам йўлга қўйдик.

Истам ИБРОҲИМОВ,

«Халқ сўзи» мухбири.

 

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn