Ўзбекистон футбол федерацияси президенти Умид Аҳмаджонов шу йилнинг сентябрь ойида Швейцариянинг Цюрих шаҳрида ФИФА президенти Жанни Инфантино билан учрашганди.
Мулоқот чоғида Ўзбекистон делегацияси футбол тарғиботини кучайтириш мақсадида ФИФАдан дунё футболининг ёрқин афсоналари ва бугуги кун юлдузларини Ўзбекистондаги ёш футболчиларга мастер-класс ўтаб бериши учун таклиф қилишда ФИФАнинг амалий ёрдам беришини сўралганди.
ФИФА президенти Жанни Инфантино ўша учрашув давомида Ўзбекистон футбол федерацияси томонидан мамлакатда футбол ривожини янги босқичга олиб чиқишда ташкилот томонидан ёрдам кўрсатилишини ҳамда жаҳон футболи юлдузларини Ўзбекистонга юборишда амалий ишлар қилинишига ваъда берган.
Пуйолнинг мамлакатимизга ташрифи шахсан ФИФА президенти томонидан уюштирилмоқда.
Карлес Пуйоль ташрифи давомида юртимиздаги футбол академиялари ва болалар футбол мактаблари билан яқиндан танишади ҳамда ёш футболчилар учун мастер-класслар ўтказади.
Шунингдек, у Олий лига 28-тур доирасида бўлиб ўтадиган “Пахтакор” ва “Олмалиқ” жамоалари ўртасидаги ўйинни ҳам бевосита стадионда томоша қилади.
Мақолани дўстларингиз билан бўлишинг!
