Россия Федерацияси Ҳукумати  Раиси билан телефон орқали мулоқот
  • 07 Декабрь 2016

Россия Федерацияси Ҳукумати  Раиси билан телефон орқали мулоқот

Ўзбекистон Республикасининг сайланган Президенти Шавкат Мирзиёев билан Россия Федерацияси Ҳукумати Раиси Дмитрий Медведев ўртасида Россия томонининг ташаббуси билан 2016 йил 5 декабрь куни телефон орқали мулоқот бўлиб ўтди.

Россия Ҳукумати Раиси Шавкат Мирзиёевни Ўзбекистон Республикаси Президенти сайловида ишончли ғалаба қозонгани билан самимий табриклади.

Томонлар яқинда савдо-иқтисодий, инвестициявий, маданий-гуманитар ва бошқа соҳаларда ўзаро манфаатли ҳамкорликни ривожлантиришнинг долзарб масалалари бўйича олий ва юксак даражада ўтган учрашувлар доирасида эришилган келишувлар ижросини муҳокама қилди. 

Шавкат Мирзиёев ва Дмитрий Медведев Ўзбекистон ва Россия делегацияларининг турли даражадаги амалий ташрифлари якунлари, ҳамкорликнинг устувор йўналишлари бўйича муҳим битимлар тузилганини ижобий баҳолади. 

Суҳбат чоғида ўзаро манфаатли барча соҳаларда икки томонлама алоқаларни ривожлантириш ва шериклик муносабатларини янада мустаҳкамлашга келишиб олинди.

ЎзА.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn