Семинарда, кино ижодкорлар, продюсерлар, сценарий муаллифлари учун кино лойиҳаларини ишлаб чиқиш ва уларни соҳа бўйича ўқитиш ташкил этилди. Маҳорат дарслари халқаро экспертлар, академик ҳамда киношунослар томонидан олиб борилди.

Хусусан, киноиндустрия соҳасида таниқли халқаро эксперт Биргит Боймерс хоним билан учрашув ва маҳорат дарслари бўлиб ўтди.

“Ўзбекистон киноси тарихидан яхши хабардорман. Унинг бугунги ҳолати билан яқиндан танишиб, ривожига ўз ҳиссамни қўшиш ниятидаман. Мақсад – юртингизда киноиндустрия соҳаси самарадорлигини оширишга кўмаклаш”,  – деди Б. Боймерс хоним.

“Кино соҳасида малакали мутахассисларни тайёрлаб бориш асосий вазифалардан бири ҳисобланади. Юртимизда маданият соҳасига берилаётган улкан эътибор нафақат ўсиб келаётган ёш ижодкорларга, балки соҳада ўз ўрнига эришиб улгурган мутахассисларга ҳам ўзгача бир илҳом ва янги ижодий парвоз бағишлайди. Мазкур тренинг бўлажак мутахассислар учун кўплаб ютуқларга эришиш йўлидаги яна бир имконият бўлди”, —дейди академик Акбар Ҳакимов.

Ушбу тадбир ЮНEСКОнинг Ўзбекистондаги ваколатхонаси ҳамда «Ўзбеккино» миллий агентлиги ҳамкорлигида ташкил қилинган.

Мақолани дўстларингиз билан бўлишинг!