“Ассошиэйтед пресс” ахборот агентлиги хабарига кўра, куни кеча Рио-де-Жанейродаги меҳмонхоналардан бирида “Match Services” компанияси ижрочи директори Рэймонд Уэлан олибсотарликни йўлга қўйгани учун қўлга олинди. У жойлашган хонада ўтказилган тинтув чоғида мундиаль ўйинларининг 82 дона чиптаси чиқди.
“Match Services” компанияси бош идораси Цюрихда жойлашган бўлиб, у чипталарни сотиш бўйича ФИФАнинг расмий ҳамкори ҳисобланади.
Ҳозиргача Бразилияда чипталарни ноқонуний йўл билан сотаётган олибсотар гуруҳлар 90 миллион доллардан зиёд маблағ ишлашга улгурган.
Мақолани дўстларингиз билан бўлишинг!
