Қишлоқнинг илғор корхонаси
  • 22 Декабрь 2015

Қишлоқнинг илғор корхонаси

Бухоро туманининг “Янги турмуш” қишлоқ фуқаролар йиғини ҳудудидаги “Гулшанабону Шарифа” масъулияти чекланган жамиятида тайёрланаётган маҳсулотлар экологик жиҳатдан тоза ва нисбатан арзонлиги билан буюртмачиларга маъқул тушмоқда.

— Мақсадимизни амалга ошириш учун ўз сармоямиз ҳамда банкдан олинган 60 миллион сўм миқдоридаги кредитга таяндик, — дейди лойиҳа ташаббускори Рамазон Айматов. — Адёл ишлаб чиқаришга мўлжалланган 8 та дастгоҳни хориждан харид қилдик. Қишлоғимиз қизлари бу ускуналарни бошқариш сирларини пухта ўрганишди. Мижозларимизга ойига ўртача 1000-1500 тагача маҳсулот етказиб бераяпмиз. Яқин орада фаолиятимизни янада кенгайтириб, автомобиллар салони учун қопламалар ишлаб чиқариш ниятидамиз.

Истам ИБРОҲИМОВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn