Сурхон чинниси: сифатли ва бежирим

31 Март 2015

Сурхон чинниси: сифатли ва бежирим

Сурхондарё вилояти марказида чинни буюмлари ишлаб чиқаришга ихтисослаштирилган янги корхона фойдаланишга топширилди. Термизликларга ўзига хос байрам совғаси бўлган ушбу “Surxon Termiz сhinni” корхонасини бунёд этиш учун 7 миллиард 400 миллион сўмлик кредит маблағидан самарали фойдаланилди.

— Хорижнинг турдош маҳсулотлари билан бемалол рақобатлаша оладиган чинни буюмларимиз ўз сифати ва нархининг нисбатан арзонлиги туфайли харидорлар эътиборига тушишига ишонамиз, — дейди корхона ижрочи директори Рустам Неъматуллаев. — Айни пайтда цехларимизда йилига 8 миллион донагача маҳсулот тайёрлаш имконияти мавжуд. Мазкур лойиҳани амалга ошириш орқали
150 кишини доимий иш билан таъминлашга эришдик.

Нормурод ТЕМИРОВ,
«Халқ сўзи» мухбири.
Шомурот ШАРАПОВ
олган суратлар.